Datum:25 aug. 1551
Overlevering:
Afschrift
Vindplaats:Kloosterarch.,
inv.nr. 56, reg. 1070
De abt, de prior en het convent van Adewert verklaren dat zij ten gunste van keizer Karel V afstand doen van de rechten die zij hebben op het eiland 't Bosch ter voorkoming van een proces.
Wij abt Prior ende Convent tho Adewert doen kondt ende beken- nen dat all eest soe dat wij ende onse voirsaten overlangen tijdt van jaren inth eijlant gheheten tbosch sekere gherechticheit ghehadt ende onder anderen de zeevunden aldaer uns hebben onderwonden des noch tans nyet jegenstaende anmerckende dat de Keijser unser alderghenasych- ste here als erfheere slants van Gronyngen pretendeert dat hem tselffde eijlant in crafft sijner rega- lien ende hoege overheit egentlijck competeert ende behoert ende wij mitsdien jegens sijne Keijserlicken Maiesteit gheen procesz anveerden en wyllen alsoe onsebreifven tytell ende bescheit als onse convent daer van ghehadt mach hebben duer menychfoldyge oorlogen verbrant ofte verduystert sijn, soe hebben wij omme dese ende andere redenen bij weten ende consent van unsen visitatoren ende oversten alle alsulke recht actie ende hherechtycheit als onsz inth voerszeid eijlandt van tbosch soude moghen competeren synder Keijserlichen Maiesteit overgegheven gecedeert ende ghetransporteert overge- ven cederen ende transporteren bij desen om tselfde bij sijner Maiesteit ende sijnen nakomelyngen erffheren van Groenyngen voirtaene ten ewygen dagen ghehouden beseten ende ghe- bruyct te wordene ende daer mede te doene sijnen Maiesteit ghode ghelieffte ende te desen eynde hebben wij ver- togen gherenunciert verthijen ende renuncieren bij desen alle alssulke gerechtycheit als wij uuth cracht van onse possessie daer inne souden mogen pretenderen vercregen te hebben ghelovende dese onse cessie ende op dracht ten ewygen daegen te onder houden sonder yet te doene noch gedoogen gedaen te wordene ter con- trarien. Des toirconden hebben wij den zegel van ons gemeen convent hyr an doen hangen den vijffentwyn- tychsten dach van Augusto inth jair XVc een ende vijfftich ende tot meerder vestnysse van desen hebben wij abt ende prior van wegen ons convents voirszied gebeden den erweerdygen heren abt ende prelaet van Clarecamp un- sen visitatoer ende oversten de hyr mede in geconsneteert hefft sijn segel mede an dessen breiff thangen twelck wij Gherardus Sut- phanie Abbas ende visitator voerszeid gherne hebben ghedaen ende unse segell mede an desen breiff doen hanghen up dach ende jaer als voerscreven.
Bron: 2
Zie ook:
170 Akte van commissie van O.J. Rengers van Slochteren, J. Lewe van Middelstum, Abel C. Lewe en Joost Lewe door Gerrit Douwes (Frijborch) als opzichter van het eiland Bus (Bosch) met onderstaande verklaring van laatstgenoemde over de bediening van het ambt, 1661
Het verdronken Wadden Eiland Bosch had diverse eigenaren.
