Ick Gheert Lewe redige to Haerhusen bekenne myt desser szedele dat ick hebbe voerhuuert Peter Nyelssoen de Buues ende Heftsant van wegen dem* werdaghen* relyosen heeren abbat van Addevert des conventis ende van mynerwegen dat wy Peter voerscreven soellen vernogen des iaers XL arens gulden ende een voerdel boetters ende dat daerde paert van dat wraeck myt dat clene brantholt van III offte vier voeten etcetera. Hyr voer hefft Peter syn eet ghedaen dat Peter de Buues een iaer bywoenen sal ende sal al angheslaeghen goederen woervaeren ende baerghen ende rechtlick byscaermen na al syn voer moeghen. Dyt voerscreven iaer sal angan int iaer van XXXV van Suntte Mychel hent to Suntte Mychel to. Dat erste tter- myn van de XL arens gulden sol wy Peter voernogen als Peter erst up dat lant koemt myt de boetter ende dat andertermyn to Suntte Johannus to mydsommer ende dat leste termyn to vrymarkett. Desse szedele synt daer twe allens luende ende uth den anderen ghesneden doerch A B C D.
